وينها [ أيام أوَّل ]

كنّا [ نتنفّس ] بعضنا..

كان ما يصبر بدوني

و كنت ألقاني بــ روحه !

كنّا نصدق في وعدنا

أحفظه دوم بعيوني ..

و كنت بلسم كل جروحه !

وينها [ أيام أوَّل ]

لمّا نسبق هـ التهاني

وتحتفل فينا الأماني

قبل مايثبت هلاله !

كنت تسبقني بلهفة

عاشق ٍ ..

جدّد وصاله

لجل بس يرضي غروري

يا [ نصيبي ] ..... يا [ حضوري ]

تتصل فيني

تبارك :

وقبل ماتجيني أجيك ..

- شهرك مبارك حبيبي

- شهر ٍ مبارك عليك !

ورغم هذا العمر كلّه ..

تبقى إنت :

باقي ٍ تسكن خفوقي

مثل منت !

راحت سنيني عليّ !

مو مهم : [ فدوه لعيونك ] ..

بس علّمني وقلّي :

كيف أعزّي النفس دونك

كل شي حولي حبيبي

يحتري صدفه تجيبك ..

تقرى فيها :

وش كتبت !

و كم بكيت

ولك نزفت !

حتى شهر الخير جانا ..

مدري : أنتظرك تبارك

ولا أنسى إنّك معانا !

كل أحبابي إسألوني ..

عن سبب : حزني بـ عيوني

وليش هذا النبض [ شاحب ]

ما تِرد عنِّي ياصاحب !

ما تِرد عنِّي ياصاحب !

ما تِرد عنِّي ياصاحب !